အသက်ရှည်ကျမ်းမာစေတဲ့ စူပါအစာ (၁၀) မျိုး
မောင်မောင်လှိုင် (အပ်စိုက်ကု)
အမေရိကန်နိုင်ငံ ဆေးပညာပါရဂူ ဒေါက်တာနီကိုးလ်ပ်(စ်) ပီရေကင်သည် အမေရိကန်တစ်နိုင်ငံလုံး ရေပန်းစား အရောင်းရအတွင်ကျယ်ဆုံး စာအုပ်ဖြစ်သည့် " ပီရေကင်ရဲ့ ကတိ. . . နုပျိုအသက်ရှည်စေမယ့်နည်းလမ်း. . ." ထဲတွင် လူအပေါင်းတို့အား ထောက်ခံတင်ပြခဲ့သည့် အစာ (၁၀) မျိုးတို့ကို ဖော်ပြထားပါသည်။ ယင်းစပါအစာ (၁၀) မျိုးတို့မှာ
၁။ ကြက်သွန်မျိုးနွယ်
ကြက်သွန်ဖြူ၊ ကြက်သွန်နီ၊ ကြက်သွန်မြိတ်စသည့် ကြက်သွန်မျိုးနွယ်ဝင်တို့တွင် ထူးကဲသည့် စူးရှအနံ့အရသာမျိုးတွင်ပါဝင်ရာ ခန္ဓာကိုယ်တွင်း၌ ဂလူတာသီယွန်း (Glutathione) ကို ပေါက်ဖွားစေသည်။ ဂလူတာသီယွန်းသည် အမိုင်နိုအက်စစ်တစ်မျိုးဖြစ်ပြီး အသည်းထဲတွင် အကျိုးသက်ရောက်ဆုံး အင်တီအော့စီဒင့် (Antioxidant) အမျိုးအစားဖြစ်သည်။ အသည်းမှ အဆိပ်ကို ပြည်စေသည့် လုပ်ဆောင်မှုစွမ်းရည်ကို မြှင့်တင်ပေးသည်။ ကင်ဆာဖြစ်စေနိုင်သည့် ဒြပ်ပစ္စည်းကို ပယ်ရှင်းပေးသည်။
၂။ မုယောစပါး (ခေါ်) ဘာလီစေ့ (Barley)
မုယောစပါးမှာ ပျော်ဝင်ဖိုင်ဘာအမျှင်များ (Soluble Fibers) နဲ့ မပျော်ဝင်ဖိုင်ဘာမျှင်ျးား ပါဝင်တဲ့အတွက် ကိုယ်တွင်းမှာရှိတဲ့ အဆီးများ၊ ကိုလက်စထရောများနဲ့ ကစီ (carbhydrate) များရဲ့ ဇီဝတွင်းဖြစ်ပျက်အစဉ် (cata-bolism) ကို အထောက်အကူပြုပေးတယ်။ ကိုလက်စထရောတွေကို လျှော့ချတယ်။ ဖိုင်ဘာမျှင်တွေက အစာချေလမ်းကြောင်းရဲ့ အစာချေဖျက်မှု အားပေးကူညီပြီး ကင်ဆာကို ကာကွယ်စေနိုင်တယ်။
၃။ ပင်လယ်ကျောက်ပွင့် (Alga)
ပင်လယ်ကျောက်ပွင့်နဲ့ ထုတ်လုပ်တဲ့ စားကုန် (ဥပမာ ကျောက်ကျောအဖြူ) တွေဟာ ကိုလက်စထရောတွေကို လျှော့ချတယ်။ သွေးတိုးနှုန်းကို ကျဆင်းစေတယ်။ ရောဂါပြီးစွမ်းအား (Immunity ကိုယ်ခံအား)ကို တိုးပွားစေတယ်။ ကင်ဆာကာကွယ်တယ်။
၎။ ပန်းဂျုံ (Bauk Wheat)
ပန်းဂျုံမှာ ပါဝင်တဲ့ ပရိုတင်းက ဆန်၊ ဂျုံစတဲ့ အနှံတွေထက် အများကြီး ပိုများတဲ့အပြင် ပန်းဂျုံထဲက အနိုင်အက်စစ်တွေက သိသိသာသာ ကိုလက်စထရောတွေကို ကျဆင်းစေတယ်။ သွေးချိုကို ထိန်းချုပ်တယ်။ ဒါ့အပြင် ပန်းဂျုံထဲမှာ ပါဝင်သေးတဲ့ ဖေလဗိုနွိုက် (Flavonoids) တွေက သွေးလည်ပတ်မှုနဲ့ နှလုံးကျန်းမားရေးတို့အတွက် အကျိုးပြုတယ်။ သွေးအားတိုး အာဟာရအစာလို့ သတ်မှတ်ခံထျားရပါတယ်။
၅။ ပဲအမျိုးမျိုး
ပဲအမျိုးမျိုးထဲမှာ ကြွယ်ဝလှတဲ့ ပရိုတိန်းတွေ ပါဝင်တယ်။ ပဲအမျိုးမျိုးကို အနှံ(ဥပမာ ဆန်) တို့နဲ့ အတူတွဲပြီး စားသုံးမယ်ဆိုရင် လူ့ခန္ဓာကိုယ်က လိုအပ်သမျှ အမိုင်နိုအက်စစ်အမျိုး အစား အားလုံးကို ရရှိစေနိုင်ပါတယ်။
၆။ ငရုတ်သီး
ငရုတ်သီးမှာ အရသာအရ လှုံ့ဆော်မှုပေးရုံမက ရောဂါကူးစက်မခံရအောင်၊ နာကျင်မှု သက်သာအောင်၊ ကင်ဆာရောဂါ ကာကွယ်ရေးတို့နဲ့အတူ နှလုံးကျန်းမာရေးတို့အတွက်ပါ အရေးကြီးတဲ့ အကျိုးသက်ရောက်မှု ရှိပါတယ်။
၇။ အခွံမာသီးများ
အခွံမာသီးများဆိုတာကတော့ သစ်သီးများရဲ့ အစေ့တွင်းက အဆန် (ဥပမာ သီဟိုသရက်စေ့) သစ်ကြားသီးအဆန်။ အဲဒီအခွံမာသီးများထဲမှာ အင်တီအော့စီးဒင့် (Antioxidants) များနဲ့ ရောင်းရမ်းမှု (Inflammations) များကို ကာကွယ်ပေးတဲ့ ဒြပ်စင်များ ပါဝင်နေတယ်။ အခွံမာအသီးတွေက သင့်ရဲ့နှလုံးကို ပိုမိုကျန်းမာစေနိုင်ပါတယ်။ ကင်ဆာရောဂါလည်း ကာကွယ်ပေးသေးတယ်။
၈။ ပဲပင်ပေါက်
ပဲပင်ပေါက်ထဲမှာ ပိုမိုများပြားပြီး သိပ်သည်းဆမြင့်မားတဲ့ အင်ဇိုင်းများ (Enzymes) ပါရှိတယ်။ အဲဒီအင်ဇိုင်းများက ရိုးရိုးရင့်မှည့်တဲ့ပဲတွေထက် ပိုပြီး အစာကြေလွယ်စေတယ်။ နောက်ပြီး ပင်ပင်ပေါက်မှာ ကြွယ်ဝလှတဲ့ အင်တီအော့စီးဒင့်များပါရှိသေးတဲ့အတွက် အိုမင်းမှုကို နှေးကွေးစေတယ်။
၉။ နိုးချဉ်စတဲ့ ကစော်ဖောက်ထားတဲ့ အစားအစာများ
နို့ချဉ် (ဒိန်ချဉ်)စတဲ့ ကစော်ဖောက်ထားတဲ့ အရည် (ဥပမာ- ဝိုင်) တို့ထဲမှာ ရောဂါပြီးစံနစ်စွမ်းအား (Immune system) (ကိုယ်ခံစွမ်းအား) ကို မြှင့်တင်နိုင်တဲ့ အကျိုးပြု ဘတ်တီးရီးယားများ ပါဝင်ပါတယ်။ နာတာရှည်ရောင်ရမ်းမှု (Inflammation) ကို ထိန်းချုပ်ကွာကွယ်ပေးတယ်။
၁၀။ အာစာအီသီး (Acai) (ဓနိသီးလို အသီးမျိုး)
ဘရာဇီးနိုင်ငံရဲ့ အပူပိုင်းဒေသ မိုးသစ်တောတွေမှာ အလေ့ကျပေါက်တဲ့ ဓနိသီးနဲ့တူတဲ့ အသီးမျိုးပါ။ သုတေသနပြုမှုအရ အဲဒီအသီးတွေမှာ ကမ္ဘာပေါ်မှာ အာဟာရအပြည့်ဝဆုံးနှင့် စွမ်းအင်ပမာဏအမြင့်ဆုံး အစာမျိုးထဲက တမျိုးဖြစ်တယ်လို့ သိရပါတယ်။ ပါရဂူများ ထောက်ပြတာကတော့ အာစာအီသီးထဲမှာ အလွန်ပျစ်တဲ့ အင်တီအော့စီးဒင့်တွေ ပါဝင်နေပြီး နှလုံးသွေးကြောများနဲ့ အစာချေလမ်းကြောင်းတို့ရဲ့ ကျန်းမာရေးအတွက် အလွန်ကို အကျိုးပြုတယ်လို့ ဆိုထားပါတယ်။
Prolonging Life Abstracts 2008 မှ ထုတ်နှုတ်ပြန်ဆိုပါသည်။
မောင်မောင်လှိုင် (အပ်စိုက်ကု)
ကလျာမဂ္ဂဇင်းမှ တဆင့်ကူးယူဖော်ပြသည်။
0 Response to "အသက်ရှည်ကျမ်းမာစေတဲ့ စူပါအစာ (၁၀) မျိုး"
Post a Comment